2017-imi innuttaasut ilinniagaqarnerisa nalunaarsuutaat

2018-imi novembarini kisitsisitigut paasissutissani naqqiisoqarnera pissutigalugu saqqummersitaq nutarterneqarpoq.

 

Kisitsisitigut paasissutissat atorlugit innuttaasut ilinniagaqarsimanerisa qaffasissusaat qanorlu ilinniagaqartarneri malinnaaffigineqarsinnaalerput. Innuttaasut ilinniagaqarsimassusaanni allannguutit qanoq amerlatigisut piginnaasaqalersitsisunik ilinniakkanik naammassinnittarnerannik kisimi takutitsinngilaq, Kalaallilli Nunaannut aammalu Kalaallit Nunaanniit nuuttartut akornanni ilinniagaqarsimassutsip sunniisarneranik aamma takutitsivoq. Innuttaasullu ilinniarsimanerisa qaffasissusaat aamma toqusimasut akornanni ilinniagaqarsimassutsimit sunnerneqartarpoq. Ilinniagaqarsimanerup qaffasissusaanut nalunaarsuutit nalinginnaasumik innuttaasunut inuusunnerusut matussusiinerusarput. Ilinniagaqarsimanerup qaffasissusaani qaffariaatit ilai ilinniakkanik naammassinnissimasunut nalunaarsuutit atorneqartut amerlanerulernerannik peqquteqarsinnaapput (saqqummersitap naanerani periaatsimut immikkoortoq takuuk).